خلال زيارتي لمعرض الإتصالات والتقنية الرابع توقفت في جناح شركة ليبيا للإتصالات والتقنية ( المعروفة إختصاراً L.T.T ) إستفسرت عن خدمة الواي ماكس القادم الجديد لتقنيات الإتصال بالإنترنت في ليبيا .
كان هنالك أربعة موظفين متخصصين للرد على إستفسارات الزوار بخصوص الواي ماكس ، ولم يترددوا في تقديم أي معلومة بدون كلل أو ملل توجهت لأحدهم ووجهت له هذه الأسئلة كما هي :
هيثم : ماذا عن الواي ماكس هل لك أن تشرح لي عنه ؟
العارض : تقنية الواي ماكس تقنية حديثة وليبيا من الدول السباقة في تقديم هذه الخدمة على مستوى العالم ، لا تحتاج لهاتف ولا تحتاج لان تكون في مكان وحد مقيد بخط الهاتف الخاص بك ، فقط قطعة من الفلاش تركب في مدخل USB ( أنظر الصورة المرفقة أدناه ) .
هيثم : كم تبلغ سرعات الواي ماكس ؟
العارض : هنالك سرعات متعددة كلاً حسب الطلب إبتداءً من 256KB وحتى 16MB.
هيثم : ماذا عن الأسعار ؟
العارض: هذا من تخصص الإدارة التجارية لكني لا أعتقد أنه ستكون أسعار مناسبة للجميع، إذا كنت من مشتركي المنازل لن تحتاج لسرعات كبيرة أعتقد 256KB أو 512kb ستكفي إستخدامك المحدود وهذه السرعات بالتأكيد ستكون في متناول الجميع خصوصاً أن المشروع مدعوم بشكل خاص من الدكتور محمد معمر القذافي الذي يحاول أن تكون آخر التقنيات والخدمات متوفرة ومتاحة لجميع فئات المجتمع، فلا يستطيع أحد أن يدفع 100 دينار مثلاً لإشتراك محدود السرعة هذا صعب .
هيثم : شكراً جزيلا لك
العارض : على الرحب والسعة .
هذا كل شي .
روابط ذات صلة :
مشكور
امممم شكله السرعة القوية اللي جربتها في المعرض ما نحلمش بيها احسن ماداما اسعار مش كلهم 16 ميجا
.:: السلام عليكم ::.
تي النت الجديد واي ماكس ومش عارف شني
الحقيقة عبارة عن ADSL ولكن الفرق الوحيد أن السرعة ثابتة فقط لا غير
وليبيا أول من ركباته عندنا ومش عارف شني
تي هيا ليبيا مسطحة كلها على بعضها
والتكلفة متاع المشروع مش غالية ولا فيها هديكا التكاليف مقارنة يعني بسكان
ليبيا والناس الي بتركبه
تي بالله أني شورني بنمشي نرقد خيرلي
يعني لو تقدر وتفيدنا عن الاسعار ؟؟؟ لو ممكن
الصادق: السرعات تتفاوت ، وقلت أنها تبدأ من 256 كيلو بايت في الثانية إنتهاءً بـ 16 ميغابايت في الثانية أي أن السرعات متنوعة .
عبد الرؤوف : لم أفهم تحديداً ماتريد إيصاله لي .
نسيم ليبيا : الأسعار يبدوا أنهم متكتمين حولها، ويمكن الذهاب لأبعد من ذلك ويمكن أن نقل أنهم لم يضعوا أسعاراً بعد . (ربما)
يا ريت لو حد عارف متى يتم البدء في توزيع هدا المشروع
اختنقنا من السرعة الهزيلة المخجلة للريفي او الموبايل المدار
صحيح ان دعايته اكبر منه لكن الغريق يتعلق بقشة
حرام عليكم يا ابناء ليبياء و الله نخجل نتحدث عن سرعة النت عندنا
و على فكرة الواي ماكس موجود في الخليج و من زمان
السلام عليكم
بالنسبة للأخ أبوجناح تكلفة المشروع 70 مليون ومكلف جدا جدا لأنك تتكلم عن تقنية جديدة لكن مش مهم التكلفة المهم ان المواطن يستفيد .
بالنسبة للأخ (ليبي) سينطلق توزيع هذه الخدمة فى شهر 9 ان شاء الله تعالى وستكون الأسعار متقاربة من اسعار الــ دي اس إل ، وبالنسبة للسرعة ستكون فى حدود الواحد ميجا .
تعرفو الخدمة سرعتها واحد ميجا تنين مبجا ان شاء الله حتى 16 ميجا ماتهمناش اهم حاجة ان التحمبل يكون غير محدود شن الفايدة كان السرعة واحد ميجا والحصة الشهرية متلا زي adsl 7gb تكان هكى تنزلها خلال 20 ساعة واحسب سرعة واحد ميجا قداش تقدر تنزل بها فى اليوم 8gb تقريبا وانا متاكد ان الخدمة مش حيكون التحميل فيها غير محدود يعنى حيكون ليه حد الافضل اقعدو على dsl وان كان حد يبى نزل اكتر من 7gb احسن شى يضرب راسه فى الكومبيوتر بالك يقدر ينزل لعن الله المحتكرين ltt اسوء شركة فى تاريخ الاتصالات ويبدو ان جهود الاخ المهندس محمد القدافى بضيع بسبب هل البزناسة الفاسدين يتعاقدو مع اسوء الشركات ليحصلو على الفرق الحمد لله لوجود خدمات الانترنت الفضائى 2way ان كنت قادر عليها اشترك بها والله لايحوجك لهل المرتشيين جماعة البريد وجماعة ltt
بصراحة خدمة شركة ltt غاية فى السوء الاسعار ما تدور طبعا مافيش منافسة و يتم التعاقد مع الشركات الرخيصة يعنى رب يفرج علينا و عليكم
والله لو كانت السرعه حوالى 1 ميجا وبنفس سعر الدى أس أل هذا شى ممتاز
لكن السؤال الذى يطرح نفسه هل توجد حصه شهريه؟؟
وان وجدت حوالى كم؟؟
مع تحياتى والى الامام والكفاح الثورى مستمر
والله ياخوى Ben jel2iel كلامك مزبوط وانا شخصيا لااعترض على اسعار ltt بس المشكلة ان الحصة الشهرية صغيرة جدا فى adsl يعنى تقنية متل واى ماكس يجب ان تكون الحصة الشهرية فيها مفتوحة او كبيرة وان كانت على اقل تقدير 20 gb فهدا جيد لاكن هى هات الحصة لن تتعدى 10 gb وان كان الكلام يتمحور على 5 او 7 يعتى تفس المشكلة ناهيك عن الضعف الدى سيحصل لشبكة الواى ماكس فى ليبيا قالو انها ستصل لسرعة ربط 70 mb مع العلم ان هده الخدمة فى باقى الدول تصل سرعة الربط فيها 280 mb 250 mb وهدا قد قرات على خدمات الاسلكى التى تقوم على اساس موجات الراديو والتى هى نفس الموجات التى تشتغل بها تقنية الواى ماكس وقد ادركت ان الخدمة ستكون ضعيفة ودلك بسبب ضعف الشبكة وهدا طبعا بسبب التعاقد السىء مع شركة zte الصينبة لا يمكن لى 70Mb كسرعة ربط ان توفر السرعة المطلوبة وعندما اقول دلك اننى اعنى استحالة وصول السرعى الى واحد ميجا لكل مشترك كما يزعموا اليسرعة ستكون متل adsl وهى 256Kp وهده سرعة بطيئة لو القيت نضرة على السرعات التى تقدمها شبكة واى ماكس فى الدول الاخرى
يا هووووووووو المهمة ينزلو الطرف بتاع wi max قبل هادا اذا دارو الخدمة فى 1.9.2008 زيادة على هكى همة قالو سوف تصبح سرعتة 16.mb و اذا لم تصبح كذالك سوف تكون هنالك قضايا و شكوى ارجاع الجهاز و الاخ د.المهندس محمد القدافى سوف ينحرج امام الشعب لعدم مقدرة ltt على اكمال المشروع فى الوقت المحدد و زيادة على ذلك عدم مقدراتها لبث السرعة المطلوبة
متى سيتم اطلاق الخدمة الرجاء السؤال عن هذا الموضوع وهل سيصل الى المنطقة الشرقية اما هو خاص بغرب ليبيا وانتو تتكلمو على 256Kp وفى مصر بيتكلمو على 24mb لم تصلو إلى نص 24 تكلمو على الانترنت تقنية الواي ماكس قديمة فى السعودية والكويت والامارات ولكن لاتوجد فى مصر ولكن قريبا ستتطلق شركة اتصلات هذه الخدمة
ياخوى الرضا سيف النصر, الخدمة ستغطى مدينة طرابلس وسبها وبنغازى اما باقى المدن فالعمل عليها جارى وستغطى باقى دول الجماهرية ليس حاليا على الاقل
اما الاخ محمد عبد الناصر بحور مادا تخرف الخدمة مطروحة بسرعة واحد ميجا للمشترك العادى وهدا به شك اما اشتراكات 16 ميجا فهى للشركات والهيئات وكل من يستطيع دفع المبل الخاص بهدا الاشتراك وانا لااشك فى مقدرتهم على عمل اشتراك 16 ميجا لاكن هدا الاشتراتك خاص يبدا سعره من 1500 الى 3000 دينار اما اشتراك واحد ميجا فهو سيكون فى متناول الجميع مع الشك فى مصداقية السرعة المطروحة اعتقد انهم سيطرحون السرعات دات 512 kb وهى رخيصة ومقدور عليها
ها نحن في اول يوم من شهر الفاتح ولم يتم اطلاق خدمة الواي ماكس كما دكر الله يكون في عون الجميع وخلاص يطمعو فينا بس نحلف عليه حتى شهر عشرة ومش منزلينها الخدمة .
السلام عليكم ورحمة الله وبركاته
هل ستغطي تقنية واي ماكس مدينة مصراته ام طربلس وسبها وبنغازي فقط
قاعدين نحلمو بالواي ماكس نسمعو فيها غير منكم موقع شركة الاتصالات بغبرته قاعد من 2007 معدش خطم عليه حد ربي يكون في عونها شركة الاتصالات فرحانة بالواي ماكس اليوم 2 من شهر الفاتح مدارت شئ شركة الرقاد
آخر التطورات حول تقنية الواي ماكس : http://imatteh.com/blog/?p=168
لما يقولوا لنا ان تقنية الواي ماكس ليبيا اول من ركبها في الشرق الاوسط وافريقيا هل هم يستخفوا بعقولنا والا يسحابونا ما نتابعوا في الاخبار اماال دول الخليج شن ادير وها الدعايات عن الانترنت عالي السعة في السعودية والكويت والامارات وغيرها من دول الخليج شن تعني والله العليم هه ما تعني الا شي واحد وهو ان ليبيا هي الدولة رقم واحد في التخلف والجهل مش في شمال افريقيا و الوطن العربي بس بل على مستوى الكون. وانه للأسف لما تسمع بأسماء شركات الاتصالات مثل ليبيانا والمدار الي سموها جديد غير اسم بس وليبيا للاتصالات والتقنية والعمة للبريد تقول خلاص هيبيا هي الدولة الاولى في الاتصالات والحقيقة الواضحة هي انه اسم فقط يا عالم ليش كثرة الاسماء والمسميات ديروا لنا شركة واحدة تكون خدماتها ممتازة اسوة بدول الخليج والا افتحوا للقطاع الخاصوالاستتمار الحقيقي والله الموفق
يا ريت خدمة الواى ماكس وخدمة الدى اس ال تكون بالسرعة المطلوبة اليوم العالم فى تنافس سريع خدمة الدايل أب مش حل سرعة 512 كيلو بايت فما فوق هى الحل لكى تستفيد من الوقت والسرعة للتصفح وتحميل مواضيعك
إنتمنى الواى ماكس بالمواصفات إلى يخبروا عليها والله الموفق
يا خوتنا علاش التعفيس من غير علم
الموبايل واي ماكس تقنية جديدة جدا في العالم وشركة سبرنت الامريكية فتخت الخدمة يوم 10-9-2008 في بالتيمور ولحد اليوم ما فيش ولا دولة عربية فتحت الخدمة وركزوا موبايل واي ماكس مش وايماكس الثابت
والخدمة اللي يحكي عليها مختار هيا خدمات تقنية HSDPA مش mobile wimax وللعلم التقنية ما توصلش ولا رعشر السرعة اللي يتكلموا عليها وتقدر تراجع قرار وزارة الاتصالات السعودسة بخصوص زيف الدعاية
وانا نأكدلكم وفي جيتكس 2008 وفي ستاند الكاتيل ما كانش فيه الا ليبيا والمشروع واحد من اكبر 3 مشاريع لواي ماكس في العالم مع الكاتيل وتقدر تكلم شركة الكاتيل ليبيا وتتأكد
ولعلمك فيه ثلاث شركات تعمل عالمشروع وهي الكاتيل وهواوي و زد تي اي وتقدر تشوف قداش هما مؤثرين في تقنية واي ماكس وقداش عندهم مشروع
عموما حني الليبيين حشيشتنا نطلعوا حني اللي زابطين وولاد بلادنا يضحكوا علينا لانه لو جت شركة فودافون وداراته راهوا الشعب كله يهلل
عموما ربي يعاون الشباب في ال تي تي لانهم يخدموا بقلب وحني نسبوا فيهم
وبخصوص الدي اس ال لانه شبكة التليفونات الارضية ميته ما فيش كيف يرفعولك السرعة لانها مش حتوصل وحيفصل الكوننيكشن واللي يبي يفهم يقرأ شوية عالدي اس ال
وعيش يا مختار الحياة
فيما فات اي سرعه قالوا عليها قسمها على مليون او نص يعني على كل المشتركين ,والتبحبيحه كان خشوا المشتركين كلهم على النت في نفس الوقت يا الله كل واحد يطلعله شوية كيلوات ,الجماعه ما كدبوش السرعه حق 256 (بالنسبه للهاواي لاسلكي) لكن انت وحظك كان معاك 1000 قسم عليهم ….. وهكدا… وليس لكل مواطن
ال 256 كيلو امتاعاتا ….. ريتو كيف كل شي نقسموا فيه حتى طشت ها الكيلوات امتاعات النت نقسموا فيهم وهدا يا اخواني يسمى التكافل الاجتماعي اللي حاسدينا عليه
البلادات التانيه
المهم ايصير منا وخلاص حتى كم گيلو كويسات خير من بلاش وبعدين منها انتعلموا وسعة البال والصبر والاهم ان مافيش حاجه اتجي بالساهل
المفروض يخلوه نت مفتوح لكل واحد سرعه تقدر 16mb حتى ترتقي البلاد وتصبح افضل ولا يجعلوها سرعات مقسمه من حقنا ان نحصل على نت سريع وان ندخل للدنيا من اوسع ابوابها وان شاء الله الى الامام دائما
الحقيقة أنا نا تهمني الأسعار لاكن أرجو أنا أعرف كم الحصة ألي يعطونها في الشهر و كم أقصى سرعة فيه و كم ثمنه بأقصى سرعة
بسم الله الرحمن الرحيم
فكره الواى ماكس فكره مش عاديه وممتازه بكل وفعلا خط ماشاء الله لاكن هناك مشكله فيه الأيام هذه ونتنى المزيد والمزيد من الأتصالات
وشكرا