في كل مرة يصادفني موقع يسمى شباب ليبيا ، أعتقدت في بادئ الأمر أنني أزور نفس الموقع في كل مرة ، لكن بعد تركيز إكتشفت عكس ذلك تماماً .
شباب ليبيا
منتديات شباب ليبيا
الشباب الليبي
شباب ليبيا
منتديات شباب ليبيا
شباب ليبيا
المنظمة الوطنية للشباب الليبي
والسلسلة قابلة للزيادة .. !
هذا دليل قاطع على أننا فقدنا الإبتكار والأفكار الجديدة ، تخيلوا لو أن كل موقع من هذه المواقع السبعة لها هدف مختلف وفكرة جديدة ، سيكون حالنا أفضل بكثير.
هذا من غير المنتديات التي حملت الإسم نفسه وأغلقت من غير سابق إنذار
أتفكر 3 منها، أحدهم كان يتبع أسطول جاد 😀
هو تبي الحق يا هيثم، أن تحمل هذه المواقع والمنتديات الإسم نفسه أفضل من غيرها التي تحمل أسماء تكاد أن تكون علامات تجارية أو لعب للأطفال أو سمها ما شئت المهم شيء عشوائي
هههههه حلو يعني ممكن غدا نلقي وقفات 2 وقفات 3 وهكذا
بجد صح روح الابتكار غائبة
وليش تحديدا شباب ليبيا
وين فتيات ليبيا
شبيبية ليبيا
يعني
زي نسيم ليبيا
هذ الاخير فيه روح ابتكار اسم مش مكرر صح يا هيثم ام لا ؟؟؟
قول الحق
احدهم كان يتبع أسطول قبل 5 سنوات يا صاح,, أقصد قبل ان يفكر أحد هولاء السادة بإنشاء موقع,, و شباب ليبيا الذي كان يخصني لم يكن منتدى فقط,, على كل ـساخدمت الاسم و تخليت عنه ببساطه لانه كما جاء هيثم هنا ( خــــــــــــــــــــراف )
بصراحة لقد تهت,,
قمت بزيارة : http://www.libya-guys.com/
المدير العام يدعى : الكنترول
تحت في الفوتر تجد ان هذا المنتدى ( العريق ) هو احد ( مشاريع ) و انا أشد على الابهام في كلنا يدي بالوسطى و السبابة !!
زرت موقع الكنترول http://www.alcontrol.net/ صاحب هذا ” المشروع ” و أعذرني انه عندما تسمع كلمة مشروع يتبادر الى ذهنك انني أتكلم على المكوك أبولو أو غوغل لاب على أقل تقدير,, المهم ان الموقع في أخر حلقة طلع سعودي أو انه ليبي و يحب ان يتعامل بالريال,, ربما لان الريال أقل قيمة من الدينار…
أقصد موقع سعودي يطلق موقعين يخصان الليبيين ( أحفاد المختار + شباب ليبيا ) هل من مغيــــــــــــــــــــــــــــــــــــــــــــــــــــــث !!
درت زيارة ثانية لمنتديات شباب ليبيا و مانحكلكش على شباب ليبيا غادي ( أقوى موضوع امدايرله دعاية بعنوان ( موضوع صقع…. يا شباب الخرط بدي )
المهم بديت من تحت,, القيت بنر هكي كبره ( كل الاحصائيات ) شدني و قلت يلا خلي أنشوف اللي يناطح في غوغل على الترتيب الاول )
القيته أحصائيات بخصوص الاعضاء و المواضيع و حتى المنطقة اهيا مش رح تسلم من النقد امتاعي …http://www.libyanyoung.com/as/index.php?autocom=statistics
أفضل 10 أصغر الأعضاء سنا
نـــضال 0.01
عيسى طارق 0.25
و هلم جراً… تي قصدي اني تهت مرة ثانية تي هو عمر الاعضاء محسوب بعمرهم و مواليدهم و الا عمر المنتدى و الا هو سهم في شركة و هادي قيمته ؟؟
زيد أنزل تلقى أكثر الماسنجرات أستخداماً
AOL ماسنجر 9
الياهو 113
MSN الماسنجر 50
قصدي هو مش الاكثر إستخداماً ؟ علاش التسعة قبل المئة و ثلاثة عشر و قبل الخمسين ؟
برا….. خلي انزيدوو
لو تشوف في جدول الاعضاء المتواجدين اليوم تلقى الورود تفتح و تسكر,, فكرتني بلعبة زمان يلعبوا فيها بنات شارعنا ( فتحي يا وردة,, غمضي يا وردة )
—-
طبعا اللي مش رح نقدر نعطيه حقه من التعليق هو اللوغو,, اليد المسكرة
قصدي الرحمة !!
وااااااااااااااااك
وياريت تجي تمرة.
السلام عليكم ….
امتى اصلا عندنا ابتكار , تي عيب الكلمة هذه … لكن على الاقل (شباب ليبيا) خير من خيرها لان فيه أسماء مواقع ليبية رهيبة لما تشوفها تنصدم .
على الطويل : عاش من شافك ياطويل
بالنسبة للأبتكار الليبين ديما مبتكرين انت ماشفتش الا لهدة السبة منتديات لكن ابحت عن منتديات اخري بتلقي اسماء ومواضيع اخري
السلام عليكم ورحمة الله وبركاته
اولا أشكر الأخ كاتب الموضوع على كتابة موضوع يخص كثرة المواقع التي تحمل اسم شباب ليبيا … والتي تختلف في أهدافها وأفكارها وطموحاتها … وحتى زوارها … ولكنها تشترك مع بعضها البعض بقاسم مشترك وهو العنوان ( شباب ليبيا )
وأنا احد هؤلاء الذين قاموا بإطلاق موقع على الشبكة العنكبوتية وأسميته شباب ليبيا … وليس لأنني دخلت القوقل ورأيت أنه يوجد الكثير من المواقع التي تحمل اسم شباب ليبيا … ولكن كان اسم الموقع هدف لي منذ عدة سنوات قبل افتتاح الموقع … ولكن شاء القدر ان أتمكن من افتتاح موقع شباب ليبيا في شهر 5 عام 2007ف , وكان يوجد موقع شباب ليبيا واحد غير موقعي …ثم كل يوم ادخل لقوقل وابحث عن كلمة شباب ليبيا أرى موقعا جديدا بنفس الاسم قد ظهر للضوء … وأتمنى النجاح لكل من قام بعمل موقع بإسم شباب ليبيا … وهذا لا يزعجني أبدا … ولكن ليست العبرة في العنوان … بل العبرة في الهدف … فأنا أردت أن أعرف العالم بليبيا وشباب ليبيا عبر صفحات موقعي … وعلى الأقل هذا العنوان أكثر تعبيرا وإبتكارا من أسماء مواقع ومنتديات ليبية أخرى … الكساد والعكسا وغيرها … مع إحترامي لأصحابها ومن سماها هكذا …
وهناك نقطة أخرى هامة … وهي انه حتى ولو وجد 100 موقع يحمل اسم شباب ليبيا أو عنوان قريب منه … الأساس هو من سينجح من بين هذه المواقع ويستمر أكثر …ويجذب زوار وأعضاء اكثر … ويكون هادف اكثر من غيره …
فموقع شباب ليبيا الذي أديره وبه منتدى نشط جدا ولله الحمد … ينتهي عمر الدومين الخاص به عام 2013ف, بإذن الله وقابل للتمديد … يعني انني أرى موقع ومنتديات شباب ليبيا حتى 5 سنوات قادمة … وليس هدفي اطلاق موقع بإسم شباب ليبيا ودفنه بعد عام او عامين من انطلاقه … ويبقى في ذاكرة الزمن …
وإحصائية الزوار والزيارات لدي ولله الحمد من افضل الاحصائيات بين المواقع الليبية … ولا أريد ألقول انها الافضل بين المواقع التي تحمل اسم شباب ليبيا … لأنه لا يوجد اي وجه للمقارنة … ولأنني لا أريد التخصيص …
وأخيرا أقول لنكثر من أسماء المواقع بإسم شباب ليبيا وغير شباب ليبيا … المهم لان نثبت وجودنا وأن لا نكون مهمشين بين المواقع العربية وأن نعرف بليبيا كإسم وبشباب ليبيا … كشباب عربي ناجح
ولمن يرغب في التفضل بزيارة موقع شباب ليبيا فليتفضل من هنا :
http://www.libyanyouths.com
منتديات شباب ليبيا
http://www.libyanyouths.com/vb
والسلام عليكم ورحمة الله وبركاته
هذا الإبتكار الذي وصلوا له نسيتوا شباب الزاوية وياريت في فائدة كلهم دردشة وشات وحكي فاضي كل أوقاتهم هكذا الشباب الليبي محتاج منتديات فيها فائدة مثل الذي نراه من الدول العربية تمنياتي بالتوفيق”تحياتي”
السلام عليكم ……… بارك الله فيه الذى اثار هذا الموضوع وهو كثرة المواقع التى تحمل اسم ليبيا لكن مثل ما قالت الاخت (نورا) الله ينورها الشباب محتاج لمواقع تنوره وتوعيه وتحل مشاكله ونرجو من اخوتنا فى جميع المواقع الليبية ان يعملوا على تطوير وتوسيع منتدياتنا الليبية ونحن معهم بأذن الله وارجوا ان تهتموا بمشاكل الشباب بشكل خاص لانه اى شاب لديه مشكلة لايستطيع البذل والعطاء . بارك الله فيكم ومزيد
ى من التقدم والازدهار لجميع شباب ليبيا
والله تبي والا ماتبي التقليد راسخ في دمغتنا
وخليك من المواضيع المنقولة ونعاند اي عضو في المنتدي ايقول انا عمري مانقلت موضوع
والاكثر من هكي يكتب الموضوع ومايقول منقول من منتدي تاني
وبانسبة لكل المنتديات الليبية مافي منتدي مبدع كلها في حالة انفتاح حاليا وهذا بسبب
عدم المامهم بسبل المنتديات والتطوير ومن الاخير معظمهم مايعرفو يركبو شي
المهم جيت انا لمنتدي امتعي قلنا هي نطورو المنتديات الليبية شوية فتحت مركز تحميل ودليل مواقع وسكريب اغاني ليبية
نشرت الدليل في احد المواقع الليبية وقلنا خلي الليبين يشاركو في الدليل ويحطو مواقعهم فيه درت موضوع جديد وقلت اول دليل مواقع ليبي هيا يا ليبين تحركو وحطو مواقعكم فيه عارفين شنو صارلي ؟
فصلوني من المنتدي بكل والسبب حطيت رابط لموقع تاني
وهذا حال الليبين
وانشاء الله توا ناوي نقلب موقعي ونفتح فيه حاجات جديدة ونرفعو راس المنتديات الليبية فووووق بس نقول شوية علي يا ليبيا ويب سايت
السلام عليكم
هذه هى حالة المواقع فى الوطن العربى , كثرة والفائدة قليلة
المهم ومهما كانت التسميات متشابهة أن تجد فى منتدياتنا الفائدة
والأسماء وتقليد البعض تدل على نضوب فى الابداع والا لماذا الاصرار على أسم معين
لعدة منتديات وكذلك اطلاق اسماء غريبة ولايمكن تحملها مثل الكساد !!!!!
هل هناك عاقل يدخل ويشارك فى منتدى يجمل هذا الأسم السطحى ؟؟
وبقية الاعلانات التى تدعوك للدخول لأنها ( صقع ) و ….
هناك بعض المنتديات وعددها لايتجاوز أصبع اليد الواحدة .. تحمل الفائدة
وتشرف الليبين , منتديات تفتخر بأنها ليبية .
السلام عليكم
السلام عليكم ورحمة الله وبركاته والله عندكم حق نالنسبة لأغلبية المنتديات اللي للاسف مفيهاش اي موضوع مهم يخدم المجتمع والشباب أوحتى يكون فيها توعية دينية يوعي الشباب ويشرحلهم أمور دينهم عسى الله أن يكون دخولهم للنت شاهدا لهم لا عليهم
السلام عليكـــــم والله فى منتدياات ليبيـــه حلوه وتنصح شباب ليبيين كثير وفيهن موضيع جديده وشيقه وغريبه دورو تلقــــــو
تـــــــحـــيــــاتـــى
السلام عليكم والله حاجه اتشرف اها تكون مواقع ليبية حتى نستفيدو منها وبارك الله فيكم
شكرا لكل من ساهم فى اعلاء اسم ليبيا وساعد على وضوحه ولمعانه وزاد من رقى وايصال عاداتنا وتقاليدنا الى غيرنا من الشعوب هذا نجاح وليس عيب لو وجدت مواقع تحمل هاذة الاسماء فبدل من ان نستخدم اسماء هابطه ليس لها معنى وليست لها اهميه ولاتعبر عنا فالعيب ان نسخر من اسماء مواقع تحمل اسم بلدنا الحبيب وشبابه فالرجاء منكم الرقى بأفكاركم وعدم السطحية فى تعليقاتكم الساخرة وفى افكاركم فأنا شخصيا اؤيد نقاشكم هذا فقط لو كان قد طرح لمناقشة الاختلاف فى محتوى المنتديات وليس على اسمائها فكلنا نعلم انه يوجد مواقع تحمل فى طياتها السخافة والقصد منها الاساءة وليس الافاده فلذلك نرجو منكم فى المرة القادمة طرح مواضيع اكثر اهمية فكلنا نعلم الاهمية دائما لم تكون للعنوان بل للمحتوى بالرغم من ان حتى الاسماء التى اقترحتم النقاش فيها اسماء رائعة ومميزة ولها معنى فالاهمية اليوم للشباب ووكل الاهمية لليبيا فكلنا نفتخر ونتفاخر بأننا شباب ومن ليبيا وششششششششششكرا املة منكم طرح مواضيع اكثر اهمية المرة القادمه
بصراحة انا اشكر من ساهم في انجاز هده العمل اي من عمل هده المنتديات فله جزيل الشكر ولكن اريد ان اوضح شغله من عمل هده المنتديات يستطيع ان يطورها ويجعلها مفيدة اكتر فا يا ريت ان يجعل في منطوقها شي مفيد متل المنتديلت الخليجية وغيرها وشكرا
اضيف شغله يا ريت تعملو منتديات ثقافيه وترفيهيا
لا ادري من اين أبدأ..
ولكن اعي بأن الأصاله ذهبت ادراج الرياح..
ولم تبقا سوى هتافات يائسه ومقالات بائسه..
لو دخلنا إلى موقع عراقي مثلا سنجد جميع الأغاني التي تخص العراق من جديد الطرب أو
قديمه ..
ولكن للأسف ..
على طرب ليبيا الذي دفن بكفوف ليبين
لم اجد اغنيه ليبيه راقيه في أي منتدى أو موقع ليبي
والسؤال الذي انهكته الحيره؟؟؟
اين فنان ليبيا الأول((مــحــمـــود كـــريــــم من منتديات ليبيا التي تهتف بالفن الليبي))
رحل عملاق الطرب الليبي الأوحد ولم نجد سوى أحرف قليله لا تفي بحق ذالك العبقري…
من المسؤول عن ذالك الجهل الفني المترسب في عقل الشاب الليبي؟؟؟
هل هو الإعلام أم الإعلان أم من؟؟؟؟
مع شديد الأسف التلفزيون الليبي يحوي ارشيف الفنانون العظماء واعني فنانون ليبا لا سواهم
ولكن يحتفظ به للنسيان …..
نحن في الإمارات نعرف المبدع محمود كريم وسلام قدري وعزت يوسف وغيرهم
ولكن لا توجد اغانيهم لا في إذاعتنا ولا في تلفزيونتنا ولا نلوم احد على ذالك القصور
ولكن كل اللوم على منتديات ليبيا واللتي هي ارض كل المبدعون ولا نجد إلا إلأ القليل من غيث
أولائك الممطرون بالفن الإصيل
جدبت
قحطت
تربت
أسماعنا
لذالك الغيث
ولم يأتي
انتم حجبتم
عنا غيومهم
أنتم يا شباب ليبيا
للأسف
أنتم………..
…………………………….
محمود….انغامك انسام تغازل فاتنات الورود
وصوتك الملائكي…نور لا تحجبه أيادي أو حدود
شابت عروسك ليبيا ..عندما هتف الرحيل
محمود راحل ….
ولن يعود..
انته على شفاة السماء
آية الخلود…………..
اخوكم علي الظاهري
صوت الريح
دبي
والله مشكله في صاحب موقع او منتدي لازم يسجل انتدي امتعه اسمه ليبيا او شباب ليبيا
يقول احسن حتي في قوقل كيف يبحت يطلع اسم قبل فيه هلبه اسماء
لكن مفيش تفكير
تحياتي لكم
بتوفيق
ضجة كبيرة…ولكن !!
بصراحة استغربت من الضجة الكبيرة المعمولة والانتقاد لهذه الاسماء
فما الضير في ان يكون هناك الكثير من الاسماء المتشابهة
وما الضير في الالوان والاشكال والترتيب .. الناس اذواق يا اخوان
ثم انه هناك الكثير من المنتديات ذات الاسماء المختلفة او الافكار المختلفة
صحيح ان تجد ما يسمى بواضيع ” الخرط ” هي الاكثر اقبالا ولكن هذه ثقافة معظم شبابنا للاسف ولا اقول كلهم … ولهذا سوف يكون المنتدى جزء من المجتمع الذي يدخله .
هناك العديد من المنتديات الهادفة والمتخصصة مثل النجع وغيره .
ارجوا ان ننظر بكلتا العنين الي المواقع الليبية فهناك الكثير من المواقع بل المواضيع الرائعة
يا شباب السلام عليكم .. كلمتى وبأختصار لا زلنا نغرد خارج السرب
غير وسعو بالكم ياشباب وبشويه على الشباب الليبى والله فى ناس تخدم بجد وتطور فى منتديات بس كل الامر أن مش ساهله العمليه ضرورى من أخطاء بالاول بس ياريت يكون النقد بناء ليس بالنقد الهدام الذى يهبط الهمم ويخلى الليبيين متخلفين ضروى من الغلط بيش نتعلمو
كما دكرت عزيزي
لايوجد اختلاف بين الاسماء
وكل منا يقلد الاخر
وكما دكرت ايضا:
هذا دليل قاطع على أننا فقدنا الإبتكار والأفكار الجديدة
نعم كلامك صحيح
ولكن للاسف اصحاب المنتديات اصبحوا صغار السن
ومنهم مريض عقليا
ومنهم لاتعرف ماهيا حقيقته
شكرا جزيلا
بالتوفيق للجميع وارجو ان نرى كل المواقع الليبية في المقدمة
ان شاء الله الشباب الليبى قادم بقوة بعد خمس سنوات على الاقل لان الدولة ادركت ان المجال العلمى للشباب الليبى هو الذى سيرفع البلاد عاليا وها نحن نرى الطلاب الليبيين فى كل مكان من العالم هؤلاء عندما يعودون للوطن بالتاكيد سيعودون ومعهم خبرات العالم
ما فيييييييييش شباب في الواقع ….. برمجة العقول على الاتكال على الغير و الكذب و السرقة , و قصة سيارات الشباب الليبي التي دخلت عامها العاشر خير دليل و من الذي سرقهم الدولة و ما يحدث داخل المنظمة الأن خير دليل
السلام عليكم
انت كنت قد قلت
” هذا دليل قاطع على أننا فقدنا الإبتكار والأفكار الجديدة ”
يا اخي اي ابتكار الذي فقدناه !!؟؟؟ في الاصل لم نكتسبه ابدا هذا الابتكار الذي تتحدث عليه !!
تحياتي واحترامي ….
نحن دائماً نتفنن في نقد الاخرين ,, لايعجبنا شئ ,, الكل لايفهم ,, وحدي من يفهم ويقدر ويستطيع تحديد الابعاد ,, اخوتي ,,, انها مرحلة , انها بداية ,, مملوءة بالأخطاء ربما ,, دعونا نصححها ولنتعاون في ذلك .
ان كنت ترى في نفسك القدرة وانك افظل من الاخرين وقادر على انارة الطريق للمواقع الاخرى فأنا اتحداك !!!
سأتكفل بكل مصاريف موقعك من الدومين الى الاستضافة وأرينا شطارتك بدل هذا النقد الهدام .
إذا ضمك الليل فلا تلعن الظلام ولكن أوقد شمعة