مراد أعمار بلال
رئيس قسم الدعاية والإعلان بشركة ليبيا للاتصالات والتقنية
بسم الله الرحمن الرحيم
شكرا للإعلان عن الخدمة، وشكرا لمن تفائل مسبقا بما ستقدمه، مقدرا من تشائم حولها.
بلا مواربة، أعمل بقسم الدعاية والإعلان بالشركة، وهذا سيوضح سبب اهتمامي توضيح بعض تفاصيلها:
1- سرعة الخدمة : 2 ميغا.
2- الحصة الشهرية : 10 جيجا.
3- المدن التي ستغطيها الخدمة : 18 مدينة رئيسة.
4- الاشتراك الشهري : 40 د.ل.
5- سعر المودم النقال (لجهاز واحد): 120 دينار
6- سعر المودم المنزلي (أربع أجهزة): 220 دينار
7- المشترك خلال شهري ديسمبر ويناير سيتحصل على شهرين مجانيين (يدفع مقابل 10 أشهر اشتراك فقط ويتحصل على 12 شهراً).
8- في السنة الأولى على الأقل يدفع المشترك اشتراك سنة كاملة مقدما، ولمن يبحث عن سبب توضيحي لهذا الإجراء، لا تزال الخدمة عالميا في بداياتها، وحتى يتم تقنين عدد المستخدمين من أجل تدارك ما قد يطرأ من مشاكل، كان لازاما استحداث آلية تحد من عددهم وبالتالي تسهل عملية متابعة وحل المشاكل، وفور استقرار الخدمة سيصبح من صالح الشركة تجاريا تسهيل عملية الاشتراك من أجل كسب قاعدة مشتركين أكبر.
9- ينطبق على الخدمة ما ينطبق على خدمة ليبيا دي إس إل من حيث آلية التصرف في الحصة الشهرية وما يترتب عن تجاوزها من قيمة إضافية.
10- يمكن دمج اشتراكي دي إس إل وليبياماكس معا في عقد واحد ورصيد مشترك يمكن تفعيل أحدهما للاستهلاك وإيقاف الواحد والعكس.
لأي استفسارات يمكن الاتصال على الهاتف الخاص بالشركة:
3400020، داخلي 7304
بسم الله الحمد لله والصلاة والسلام علي رسول الله
ان للاتصالات دور كبير في تسريع عملية التنمية والنهضة العلمية التي تزدهر في الجماهيرية هذه الايام واعتقد ان لهذه الخدمة دور كبير في ذلك وستكون بمثابة النقلة النوعية لتضع ليبيا في مصاف الدول المتقدمة عالميا في هذا المجال
مع امنياتي بالتوفيق للجميع
2 ميغا… هادي مش قادر نصدقها لين نشوفها بعيوني.
40×12=480 دينار لمدة سنة + جهاز ولابتوب 220 = 700 دينار إجمالي.
الخلاصة: غاااااااااااااااااااااالية.
واللي بياخدها توا من الأخير واحد من الإثنين، يا طواقة يا عنده فلوس بزيادة، لكن المنطق يقول إن الـDSL قاعد يأدي الغرض وأكثر، إلا لو كنت من جماعة تنزيل الألعاب والأفلام.
شكراً على التحديث، كان بودي نعرف، وأخيراً عرفت.
علي : من ناحية غالية .. غالية .. لكن حل خير من بلاش ، اني بنشترك لكني مانيش فلوس ولا بنطوق بيها ، اني محتاجها جداً ، لانه ببساطة ماعنديش ADSL في الحوش .. ونعاني مع الدايل اب الريفي .. لهذا لازم نشوفوا لوضع الناس اللى ما تقدرش تركب هاتف في حوشها .. الناس هادي واللى اني منهم تشوف في الواي ماكس زي الرحمة اللى راح ترحمنا من عذابات الدايل اب ..
السلام عليكم
بنسبة ليا اني راني واحد من الاشخاص الي يعانو من الريفي
الي سرعتا 230 كيلوبايت و شكلة حتى 20كيلو بايت هلبا المهم اني من الاشخاص المحبي softweres download و اقل سوفتوير 12 ميغا الي ياخد وقت مرات 45 دقيقة الى ساعة و الساعة ب 40 قرش من غير التصفح في المواقع الي تعرض فلاش الي تاخد بيش تفتح مرات 10 دقايق
باللغة العربية ما اريد ان الفت انتباهبكم اليه هو ان كرت العشرة دنانير يحوي خمساوعشرون ساعة يعني :
بقيمة اربعون دينار في الريفي بدون مميزات في السرعة لاتكفيك سوى اربعة ايام و 12 ساعة.
يعني رد على الاخ الي قال 40 دينار شهريا في الواي ماكس غالية
(((( الريفي يكلف 290 دينار شهريا لو كنت من مستعملين الانترنت يعني سنويا وبدون مبالغة 3480 دينار ليبي لا غير. يعني مع اقل استعمال ستصل تكلفة الانترنت الريفي فوق 500 سنويا))
بالله عليك كيف لو كانت المعلومة صحيحة ان سرعة الواي ماكس 2 ميغا .
هدا يعني ان التكلفة اقل والاستفادة اكتر. وفوق من هدا ان اشتراك الواي ماكس مفتوح عندك 24 ساعة لمدة شهر كامل بقيمة 40 او حتى 50 دينار مع 10 غيغا شهريا التي اضنها تكفي
خلاصة:-
بالنسبة ليا اني مش انسان تري ولا جكتور لاكن انضر من منضار اخر مهم وعلمي وهو(( عامل التكلفة والوقت))) والسلام عليكم ورحمة الله وبركاته….
.:: السلام عليكم ::.
والله معاد تعرف بالزبط
بس إن شاء الله ما فيش زحمة زي كل حاجة جديدة ف البلاد وفيه الي يزاحم غير اهو يبطوق بيها زي ما قال الاخ الي قبلي
وهو أصلا مش عارف لشن الـ USB الي بيبيعوهوله ولا إنترنت لشني هو …
يلا
السلام عليكم
تعرفو لو الكلام الي لقيتا في موقع صح بأن:
256KB…………………………………..35DL
512KB…………………………………50DL
1M……………………………………..150DL
شهرياً
خلاص بنمشي بنبيع الهوندا الي عندي او بناخد ال 1ميغابيت لاني كرهت حاجة اسمها كيلوبايت . و ان شاء الله تكون السرعة فعلية .
او بعد التحية للاخ عبد الروؤف ابو جناح
خليك من ال USB نعرف ناس مش عارفا شن معنى ال CPU اصلاً لكن ملاعبية فوق نت لان الناس انواع في يخدم softwere او في hardwere و الزحمة يا أخ عبد الروؤف زي ما نشوف فيك لكن النصيبات على الله سبحانة .
عارف ……… كل ما نفكر في يوم التوزيع نضحك لاني نتخيل في روحي لاصق في الشباك من الزحمة .
زعما:
نخلصو او يعطونا واصل او ولي بعد أسبوع و لا فوري.
أجمل في ما في شركة ليبيا للاتصالات انها شركة دخلت في تحدي مع النفس وتفوقت ونجحت… تستحق كل التقدير والاحترام.. ويستحق العاملين فيها كل الشكر وخصوصاً الادارة التجارية والفنية..
الاستمرار في القمة اصعب من الوصول اليها..
ارجو ذكر المدن التي توجد بها خدمة ماكس وعموماً المبلع رمزي ومايشكلش شي بالنسبة لمن يبحث عن خدمة افضل تحياتي لليبيا للاتصالات
هيثم: تعرف ما فكرتش في اللي عنده الريفي أو اللي ماعنداش خط أرضي، كلامك منطقي يعني الواي ماكس حل وطوق نجاة من هم الدايل أب والسرعات البطيئة!
بسم الله الرحمن الرحيم
بداية، وللتوضيح، لا تقترن اسمي بصفة (مهندس) لأنني لست مهندساً، بل من خريجي كلية الفنون والإعلام، وهذا ما ساقني للعمل كرئيس قسم للدعاية والإعلان، هذا للأمانة العلمية، وحتى لا ينسب لي ما يكبد الآخرين سنين من العمر تعبا واجتهادا.
بالنسبة للمدن : طرابلس – بنغازي – سبها – سرت – مصراتة – الخمس – أجدابيا – البيضاء – غريان – بني وليد – زوارة – ترهونة – البريقة – اوباري – زليطن – الزاوية – غدامس – رأس الأنوف.
لأسباب عدة، ستطلق الخدمة بالمدن على مراحل وليست دفعة واحدة.
تم تعديل موعد إطلاق الخدمة وسياسة تسويقها، سيتم إطلاقها بعد عيد الأضحى إن شاء الله، لتسوق حصريا للجهات العامة والشركات والسفارات بالأسبوع التالي للعيد عبر مقر الشركة مباشرة، ثم ستصبح متاحة للأفراد عبر الوكلاء.
يجدر بالذكر أن خدمتي ليبيا دي إس إل وليبيا ماكس تقومان أساساً على مبدأ المشاركة، فعندما نقول أن السرعة 256 ك أو 2 ميغا، لا نعني أن هذه السرعة هي السرعة التي يتحصل عليها المستخدم طيلة الوقت، فعندما يصل الاستخدام إلى وقت الذروة تنخفض السرعة، وهذا ما يشكل فرقا جوهريا بين الخط المخصص والخط المشترك، فالأول أعلى تكلفة بشكل كبير، وتعد الشركات الزبون التقليدي لهذا النوع من الاشتراك، أما الثاني فيمثل الخيار الأفضل للأفراد لكونه أقل كلفة بشكل كبير.
يبقى أن أذكر بأن (بالتيمور) في الولايات المتحدة هي أول من سوق الخدمة تجاريا في العالم، ولا تزال بقية الولايات تنتظر تجربتها لتدرسها وتسير على نهجها، أما السعودية فلا تزال الخدمة محصورة في 4 مدن رئيسية دون تسويق تجاري حقيقي.
وبهذا تعد ليبيا الدولة الثانية عالميا التي تسوقها تجاريا، والأولى من حيث كبر المساحة التي تشملها التغطية، وهذا الكلام حقيقة بغض النظر عن الجانب الدعائي الإيجابي الذي يمثله.
والسلام عليكم ورحمة الله وبركاته
كل شي تأجل و لي صار صار في الواي مكس…………….الشركة قالت 2008,12.1 او صبحنا في كلام أخر هو ان التوزيع و الاشتراك بعد العيد كل عام و انتم بخير , قلنا ما علينا نصبرو ………….صبحنا في كلام اخر هو بعد العيد يتم التوزيع علي الشركات و السفارات و الجهات العامة .
الرجاء ….نطلب من شركة الاتصالات ان تعلن عن تاريخ تابت للتوزيع و الاشتراك للاخوة المواطنيين
و نرجو منكم التعامل مع المواطنيين بأكثر شفافية.
ملاحظة اخرى اتصلت باكثر من وكيل لشركة LTT و تم الرد علي .بلا اعلم و معنديش خلفية عن الموضوع . موصلني شي . مشعارف . و اغرب رد شنهوا الواي مكس
اكرر اغرب رد من وكيل لشركة LTT ……..شنهوا الواي مكس هدا
ارجو من رئيس قسم الدعاية و الاعلان في شركة الاتصلات ان يقوم و باسرع وقت بتغير التاريخ على لوحة الاعلان و استبدالة بتاريخ تابت
نرجو من الشركة اعلان عن تاريخ الاشتراك للاخوة المواطنيين
نرجو من الشركة اعلان عن تاريخ الاشتراك للاخوة المواطنيين
فقدت الشركة مصداقياتها في موعد التوزيع فهل ستفقد مصداقيتها في ما قالت عن سرعة الاتصال؟
السلام عليكم ورحمة الله
ان من مستعملي الانترنت في غدامس وفرحت لما سمعت عن الوايمكس وقاعد نراجي لحد الان لاكن الباين اني مش حا نلحق على هالخدمة اني عمري 26 وشكلي بنراجي عشرة سنين لما توصل لغدامس ((هدا فحالت ماغيروش قراراتهم بخصصوص غدامس))
بوزعو على الشركات قبل المواطنين مع ان الشركات اغلبهم يوجد لديهم ADSL والمواطنين اغلبهم ما عندهمش
تاني شي اني اعتقادي انها الى حد الان لا تعتمد على الانترنت اعتماد مباشر مثل الدول المتقدمة .لااضن انهم يستعملوه اصلا في بعض الشركات
من المفروض ان يكون المواطن هو الهدف الاساسي للشركة .
وعلى كل حال اني عندي ولد صغير عمره سنه خليتله رساله في حالت توفيت وبديت خارج نطاق خدمة الوايمكس تقول (( ياولدي تلقا الفلوس تحت مكتبة المربوعة مش عارف ادا قاعد السعر زي ما كان في الاشاعات سنة 1-12-2008 والا تغير انشالله يكون اقل المهم انت اسعى على الموضوع وكانك عارف روحك مش حتلحق خلي الرسالة والفلوس في مكانهم لحفيدي ))
شكرا على حدف تعليقي لانه كان تعليق صادق
مراد أعمار بلال: شكراً للتنبيه .
حاتم : لم أحذف شيئاً أخي الكريم ، التعليق لاينشر مباشرة هذا نظامي في إستقبال ونشر التعليقات ، لابد من الإنتظار قليلاً حتى أقوم بالموافقة على نشره . أشكرك لحسن تفهمك.
اشكرك اخي مراد على التوضيح
الصورة تتحدث:
http://uploadnow.org//userimages/temp/1228235429_662_11.JPG
بسم الله الرحمن الرحيم
أعرف جيدا أن تأخير موعد إطلاق الخدمة أطلق العنان لمزيج من الضيق والإحباط ومشاعر شتى، أعرف هذا وأقدره جيدا، لأنني مصاب بنفحة منه، فبعد حديثي لمرتين في أحد وسائل الإعلام وتأكيدي على الموعد السابق، تعرضت لإحراج شخصي شديد بسبب التأخير، لذلك أعتقد أن الإحباط ليس حكرا على المواطن الذي ينتظر التقنية فقط، بل طال كل من عمل بالمشروع نصيب منه.
كما أن الشركة يهمها ألا تفقد مصداقيتها بأي حال من الأحوال، وليس في مصلحتها تجاريا أو معنويا الظهور بصورة سلبية أياً كانت، لأن المنطق ينذر بالمساس بمصلحتها التجارية وحجم مبيعاتها، ولا أعتقد أن هذا من ضمن أولويتها طبعا.
بالنسبة للملاحظة : ( .. وزعو على الشركات قبل المواطنين مع ان الشركات اغلبهم يوجد لديهم ADSL والمواطنين اغلبهم ما عندهمش … ).
الجواب هو أن سبب حصول أو عدم حصول شخص ما على خدمة أي دي إس إل هو قربه أو بعده عن أقرب مقسم هاتف ضمن نطاق 5 كم كحد أقصى، وجودة سلك الهاتف، ولم تكن صفته سواء كان شخصا طبيعيا أو اعتباريا سببا في منحه أو حجبه، بالإضافة إلى حصرية تسويق الخدمة على الوكلاء لا الشركة، وتحسن الشركة الظن في وكلاءها ما لم يثبت العكس.
بالنهاية، لا بأس من التنفيس عما يجيش بأنفسنا، فهذا حق طبيعي، ولكن حتى يكون التنفيس مؤثرا، يبنغي أن يكون موضوعياً، حتى لا يصبح النقد هدفا في حد ذاته فيفقدنا التأثير الإيجابي على الآخرين.
شكراً لكل من تفهم، وشكرا لك أخ هيثم مع الاعتذار لاستخدام مدونتك كوسيلة تواصل، وعذرا لعدم تحديد موعد بذاته لإطلاق الخدمة حتى لا تتكرر المسألة مرتين، وفور التأكيد النهائي سيسرنا إعلامكم.
على كل حال، لا زال المجال متاحا للرد لأي استفسارات بالخصوص، يمكن الاتصال على الهاتف الخاص بالشركة:
3400020، داخلي 7304، قسم الدعاية والإعلان
مراد أعمار بلال : كنت أتمنى ذكر الأسباب الرئيسية التي أدت إلى تأجيل فتح الخدمة إلى مابعد عيد الأضحى .
شكراً جزيلاً والمدونة مفتوحة للجميع بدون إستثناء في جميع القضايا .
انا من ( مدمني الأنترنت ) ولدي خلفية جيدة حول تثبيت الشبكات والسيرفرات .. للأسف لطالما كان الاتصال ضعيف الى احتياجاتي فاذا صدرت اكثر من توزيعة تهمني لليونكس فاضطر للاختيار حفاظا للسعة الشهرية من ADSL الذي يستغرقني ساعات للتحميل
لذلك وجود اتصال سريع وسعة شهرية ( مناسبة ) احد الاحلام التي تراودني دئما , وبعد الاعلان ازدادت الاحلام , اعلن عن الموعد ولكن فوجئت بمقولة ( بعد العيد )
رغم اني لا اثق في الشركة ولا في قدرة العاملين عليها لما اكتشفت من ثغرات داخل شبكة ADSL وسوء ادارة وتنظيم ولكني مضطر الى تجربة كل جديد بأمل الحصول على اتصال يناشد طموحاتي ورغباتي الشديدة في التعلم
اتمنى من الشركة التفوق على نفسها ( هذا سهل بالنظر الى عدم وجود منافسة ) وتوفير الاتصال المناسب للارتقاء بـ ليبيا
السلام عليكم ورحمة الله
تقنية جديدة بسرعة فائقة هذا شيء ممتاز يختصر للوقت ويسهل علينا الكثير من الامور
لكن الاسعار غالية مقارنة بالدول الاخرى من حيث الدخل الشهري للمواطن الليبي
لانها تاخذ حوالي نسبة 10 % في المتوسط من الدخل الفردي مقارنة بالدول الاخرى التي أراها تستهلك أقل من 2%
لذلك لا يلجأ اليها الا الاغنياء في المجتمع
والطلبة غير مستهدفين لأنهم يحتاجون الى مساحات كبيرة لتنزيل الكتب من المواقع
فالشركة توفر مساحة 10 جيجا ب 40 دينار والحصة الاضافية هي نصف ميجا ب 10 دينار تعتبر أضعاف الاشتراك
فمن المفروض توفير مساحات أكثر على الاقل 20 جيجا بنفس السعر اي 40 دينار
شكرا لك على هذه المعلومات العامة حول الواي ماكس
اناني عرفت ان هده الخدما غالي من اول ما سمعت عنها وقيمة 40 دينار ليست قليلا في الشهر الوحد وسعر المودم النقال (لجهاز واحد): 120 دينار
و المودم المنزلي (أربع أجهزة): 220 دينار
السلام عليكم ورحمة الله وبركاته
اخواني الكرام يجب التفريق بين (كيلوبايت) و (كيلوبت)
KBps تعني كيلوبايت لكل ثانية
Kbps تعني كيلوبت لكل ثانية
وكذلك
MBps تعني ميغابايت لكل ثانية
Mbps تعني ميغابت لكل ثانية
وسبب إختلاف الأرقام بين سرعة الإتصال وسرعة التحميل هو فقط لأننا نقيس السرعة بوحدتين مختلفتين وإلا في الحقيقة هما متساويتان
سرعة الإتصال 1ميغابت (1024 كيلوبت) في الثانية = سرعة التحميل 128 كيلوبايت في الثانية
لأن:
1024 كيلوبت \ 8 = 128 كيلوبايت
مع فائق الاحترام والتقدير
حازم ديزاين
http://www.yl.ly
يبدو أن الشركة كان قصدها في تاريخ توزيع الخدمة بعدعيد رأس السنة للتاريخ المسيحي وليس عيد الأضحي المبارك.
ليس عيبا من الشركة أن تعلن عن تاريخ بيع خدمة الواي ماكس وان لا تفي بوعدها ولكن العيب في عدم الأعتذار في الموقع الرسمى وأن تعلن عن أسباب التأجيل والإعلان عن تاريخ الجديد للبيع.
هذا السبب المؤسف لان الشركة تعلم انها محتكرة السوق الليبيى ولكن لو كان يوجد منافس لها في السوق ربما فأنها سوف تحترم مواعيدها وترسل إعتذاراتها في وقتها.
السلام عليكم
و الله دوختنا هالخدمة الجديدة , و اللي نسألوه يقول ما هو عارف شيء
و بالنسبة ليا انا وكيل الواي ماكس في سبها كرهني من كتر من جيه
كل يوم نمشيله و معايا الفلوس , و يقولي بكرة بكرة
و خشيت على موقع ليبيا ماكس ما فيه حتى جملة مفيدة , و اللي مش مصدق يخش يشوف
libyamax.ly
و طلب خاص
يا ريت يكون في تاريخ تابت لاطلاق الخدمة بيش على الاقل الواحد يعرف راسه من كرعيه
و السلام خير ختام
تحياتي ………..
مستقيـــــــــــــــــــــــــــــــــــــــــل .
نظرا لأن هذه التقنية جديدة فلابد من أن تمر بعدد من المشاكل ومراحل التجريب قبل أن تبدأ الخدمة الفعلية وذلك لضمان الخدمة الأمثل للزبائن ، وعلى سبيل المثال فإن ميكانيكي السيارة لا يستطيع تحديد موعد إصلاح السيارة لأنه عندما يبدأ في تفكيك المحرك تواجهه مشاكل غير متوقعة ، وهذا أبسط مثال فما بالك بتقنية متطورة جدا ، وتعمل لتغطي مناطق شاسعة وعدد ها\ل من المشتركين وكما يقول المثل من صبر ظفر.
السلام عليكم
اني واحد من الناس اللي تعاني من الدايل اب والحمد لله تحصلت على اشتراك للواي ماكس واللي حاليا نتصل منه ولكن للاسف السرعة في البداية كانت تفوق حتى 2 ميغا وتوا هي في مستوى مش بعيد من الدي اس ال هدا هكي قبل ما تكتر الاشتراكات عليه انشاء البداية بس هكي ويتصلح الوضع وما تكونش كل مرة اسواء
السلام عليكم انى واحد من الجماعه اللى يعانو وسبقو ودكرو قبلى انى سألت موزيعين LTTفى سبها مش عارفين امتى التوزيع ولليوم سأل عليه وما فيش خبر واحد ما عنده شن يدير غير يستنى لكن ارجو التوزيع فى سبها مع انها من المدن المدكوره لكن ميزال ما جانا شى
السلام عليكم
للمشتريكين في خدمة الواي ماكس اريد ان اسألكم سؤال :
هل تستطيعو الاتصال بأي هاتف سواء كانت مكالمة دولية او محلية و بدون تكاليف ؟
للايضاح مكالمة صوتية نفس مكالمة الهاتف النقال .
السلام عليكم
بعد شكر المجهودات بكل الاحباط الاشارة ضعيفة جدا داخل المدينة طرابلس المركز
فهل هذه هى تقنيات الواى مكس
الباين السرعة معنمدة على مكان السكنة اني عندي في الحوش توصل 1 ميغا
ولد صاحبي يسكن في الشط ماتفوتش عندا 300 كيلو
الاخت سارة الاتصل باي هاتف ليس له علاقة باشتراك الانترنت وانما هي خدمة توفرها
شركات لاتصال عبر الانترنت مثل net2phon or pc2call
وحتي السكاي بي ممكن تشتركي فيه وتتصل منا
وكان ادوري في النت اكثر ممكن تلقي شركات تعطي رصيد مجاني
تجريبي ديما في حدود 30 دقيقة
يا جماعة كنكم مكبرين الشطحة عدي شوف الواي ماكس كم سرعتا في الدول الاخرى
السلام عليكم كيف حالك ياخوي مراد وربي يعينكم………………. كل من يحكي على شركة ltt يباها استثناء على سوء الادارة الي صاير عندنا ناسيين انها تتأثر بغيرها من الجهات العامة والخاصة واحسن مثال عاى هالشي ما صارفي موضوع الهوائي متع منطقة صياد والتأخير متع جماعة الكهرباء الي قعد شهور .
السلام عليكم ورحمة الله وبركاته
مشكلة اننا كمواطنين ليبين نعتقد ان لهذه الشركات عصا سحرية تقول للواي ماكس كن فيكون
وانهم يريدونه سريعا ومجانيا والتغطية موجودة في كل مكان .
بصراحة يجب ان نصبر فللاسف الكثير من المصالح الاخرى لها علاقة بهذه المشاكل وهذا التأخير .
واخيرا يا اخي بلال انا اقيم في موقع شركة على خط طول 15.5 وخط عرض 30.08تقريبا هل توجد تغطية للواي ماكس في هذه المنطقة
سمعنا الكثير عن الواي ماكس ولاكن عن نفسي اذا كان سعره مناسب ممكن أستعمله
اني سمعت عن الواي ماكس وجربتا عند واحد صاحبي ساكن في عين زارة اتصال الانترنت كتصفح عادي كويس جدا وسريع لاكن لتحميل البرامج مش سريعزيا زي الدي اس ال تقريبا وقعدنا ساعة وحني ندورو علي مكان فيه طغطية وكانا جت تهرب بسرعة يعني التنزيل بطيء شويا ويفصل وانشاء الله تكون الايامات الجاية التغطية جت كويس لمنطقة عين زارة
ارجوا من المهندسين ان يتجه الى منطقة عين زارة لانها التغطية تعبانه
السلام عليكم يا اخوانى اما ان فنضنى اكثركم متابعة لهذا الموضوع وحنحكيلكم قصتى مع هذا الجهاز اولا كان عندى نقال N73وكنت مشترك فى انترنت المدارالي سرعة زى الحلزونة وبعدين سمعة بالواى ماكس فاصبحت انتبع فى اخباره حتى انى ذهبت الى وكيل فى الدعوة الاسلامية واعطونى ورقة فيها انواع الاجهزة وسرعة الاتصال والحصة الشهرية وقيمةالاشتراك واهم شى عندى هو رقم تليفونهم وكان هذا بعد عيد الاضحى مباشرة شهر 12 فقالو لى ان الاجهزة لم توصلهم بعد وان عليك الترددعلينا وفى كل مرة اتصل بهم يقول لى اما مازال اسبوع او فى نصف الشهر او بداية الشهر حتى انى فكرة انى رد نشترى نقالى هالبعتا بسبب الوهمى ماكس ونصبر على المدار وامرى لله حتى شهر 4 بدؤ فى التوزيع وحصلت والحمد لله واود ان اوضح للاخ يحيى محمد ان الحصة الاضافية هى 5جيجا وليست نصف ميجا وفائدة ان هذه السرعة ليست السرعة القصوى وان السرعة القصوى لم يفتح عليها بعد وانها اضعاف Xاضعاف DSLوسوف ترون ذلك قريبا ان شاء الله ولمن يعانى من بطء التحميل انصح ببرنامج دانلود مانجر لاننى عندما استعملتة صارت سرعة التحميل عندى فوق 530 كيلو ا ومن اراد التاكد فليجرب بنفسه والله الموفق وشكرا
السلام عليكم واللهي اني مشيت وشريت الواي مكس ب 520 دينارر ليبي الجهاز ب 120 و 400 كرووت واللهي الا هلبه واني صاحب دخل محمدود هدا معاش مرتبي شهر كامل والله يستر علي باقي الشهر
السلام عليكم
انا احمد عمري 12 سنة مولوع بالنت نبي حد يساعدن وين وكيف وهل ولماد ومتى واين ؟
يعني نبي نعرف وين ينباع وكيف نشريه وبكم ومن متى ولاين مفتوحة الشركة لمتى النت وباهي ولا لا
انا اسكن بليبيا – طرابلس – سوق الجمعة – بجنب مقهي فطائر الواحة نبي رد سريع شكرا
520
الإشتراك سنة إلزامي
لكن توا فيه مشاكل
السلام عليكم الحمدلله فرحانين هلبة بالواي ماكس 10 غيغا شن بيدرولكم الدي اس ال اسن منه 100 مرة سعره معقول وفرق السعة 3 غيغا بس لو كان الواي ماكس سعته مفتوحة اشتركت فيه طول مهما كان غالي ا نا ماشتركش في الواي ماكس قريب ادبست فيه لكن غالي جدا مايقدرش عليه اي حد . سبحان الله ايحطو في اسعار تناسب واحد دخله الشهري 3 الالاف دينار بدون مبالغة انا قريب اشتركت فيه ودفعت معاش شهرين لكن لما عرفت ان سعته 10 غيغا وخرت شنو 10 غيغا بديرلي انا نبي نشترك فيه نتمتع بسرعته وانتصفح وانزل افلام بدون تقييد مش ندفع فوق 500 دينار وتقيدني شن نفتح بالله كان ماحملتش افلام ومشاهد فيديو شنو الفايدة منه شوفو النت في مصر متلا كم الاشتراك وكم سعته ولا الكويت والسعودية بدون سعة مفتوحة الا احنا علاش مش عارفة خلي دي اس ال بروحه 7 غيغا والله العظيم من غير تصفح وياهو ماسنجر مانفتح في حاجة وقبل الشهر باسبوع السعة اتم ولما انعبي حصيصة شهرية نلقاها يا اما 390 ميغا ولا 400 ولما نلقاها 493 انطير من الفرحة . مكتوب في العقد 500 ميغا ولما انعبي ب(10) نلقاها اقل ولما نتصل بخدمات المشتركين يقولي لا يا اختى انتي اكيد فتحتي حاجة والسعة نقصت قسما بالله حاجة ترفع الظغط شوفولنا حل مع هالشركة اللي تعطي بالقطارة مفيش عدل بكل زودو السعة ولا خلوها مفتوحة وندفعو اللي تبوه
هـــل توجـد تغطيـة بمدينـة أجدابيـــا …. ؟
الله الله
خيركم مستغربين الواي ماكس الواي ماكس
شني مش عارفين ليبيا ولا شنو
ما فيش الي حد الوقت هدا واحد ليبي ايطبق في العمل امتاعا مزبوط
اتصدق مشيت للوكيل متاع الواي ماكس نشكيلا علي المشاكل الي عندي
قعد يشكيلي مسكين
قالي احني بني وليد مش حاسبينا في الشركة غادي وقالي يستحقرو فينا
قتلا كيف مش وكيل انت؟
قالي ايّح تحساب روحك في دولة تانية راك في ليبيا
المهم الخلاصة اني تعاركت معاه وقالي ما عندي ما انديرلكم
اني نبي نعرف هل الكلام الي يقول فيه مزبوط ولا لا
كانا مزبوط معناها نصبو علينا
وكانا مش مزبوط معناها هوا ما يبيش يخدم
وياريت لو في حد من جماعة الشركة يقرو في الكلام الي كتبتا ايديرولنا حل
احني عندنا اعمال واقفة في جرتهم
كان في سوفت وير ولا اب ديت ايدورو في للاجهزة ولا الانتينا خليهم يسعفونا
والسلام
السلام عليكم ياجواد ….
الحمد الله انا عندى ADSL ماشاء الله عليه بس كان يزيدونا الحصة الشهرة من 7 لــ 10 يطلعوا امنورين بكل …. ومن ناحية الواى ماكس غالى بكل ليش يجبروك على دفع اشتراك سنة يخلوها 6شهور ارحم …الجو هذا يخطر عليا ليبيانا والمدار وبعدها تزطل … نصيحتى للجميع الصبر وعدم الاستعجال فى الشراء ….
شكرا
الجهاز ممتاز لكنه غالى أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأ عيت من المصريف
بسم الله المفرض الواى ماكس يبدء 100
السلام عليكم ورحمة الله وبركاته
والله كلنا انتموا انواكبو العصر بس ظروف الحياة اصبحت صعبة و الواي ماكس غالي بالنسبة لمرتباتنا بس عندي امل يقعد الواي ماكس زي البيانا في بداية طلعتها الاول بـ400 دينار وبعدها بـ 5 دينار الفرق كبيرفي مدة لاتتجاوز سنة كل شي جائز وربي كريم والحمد لله البلاد تمت في تقدم مستمر ويلي مادرنش ايديروه اولادنا.
والسلام عليكم ورحمة الله وبركاته
السلآم عليكم أخوتي في الله
الحمدلله أمآلآ مآشريت هآلشهره الخآدعه ( الوآي مآكس )
تصدقوآ يآهلي إن ليبيآنآ نت والله العظيم أفضل وعن تجربه
كنت شوي وننهبل ع الوآي مآكس
بس بعد اللي سمعته يوماً مآ من أحد الأقآرب المستخدمين له
أنصدمت ونزلت رآسي أسفاً 🙁
وعن قنآعه أستخدمت ليبيآنآ نت ،
سعر معقول جداً لسرعة مثل هآلسرعة ( 3.6 ) ميغآبت في آلثآنيه
350 الجهآز الصغير وشهرياً 15 شيء عظيم برآئي
والحمدلله بأن ليبيآنآ أصبحت بكل منطقه في ليبيآ أعتقد !!
يعني مآفيش مشآكل بآلنسبه لي مع التغطيه وتوقع عدم توفرهآ بأي منطقه من منآطق ليبيآ الحمدلله
الواي ماكس نصبة نصبوا علي الرصيد ينشفط شفط
صدقوني
500 ميقا في يوم واحد ماتسدك لمجرد التصفح للحصة الإضافية
إن كانو فعلا يسرقوا في فلوسنا نقوللهم بس حسبي الله ونعم الوكيل فيكم
إن شاء الله كل قرش يجيكم ثمنه عاجلاً هكي رضيت أني
قلوا الحرام مش مسامحين بس