مدونة وقفات

نحن لا نحيا بمطارة آمالنا .. نحن ننحر الحياة قرباناً لنيل آمالنا..

‏“ليبيا واي ماكس يوم [ 01-12-2008 ]” نقاش حول التدوينة

  1. ولد ليبيا البار

    يا عالم لعند أمتى نبو نقعدو نذمرو راهو المشوار يبدا بينا نحنا الشباب المعروف ع المواطن الليبى من قديم الازل عدم غيرته على بلاده والتذمر…
    الحمد لله نحنا راه فى سنين قصيرة جدا تغير المنحنى من الصفر الى اعلى … وهذا بفضل جهود ناس تفكر فى بلادها وحابه التغيير…
    أنشالله ياربى التوفيق للجميع ومن نصر الى نصر ياربى

  2. الفزاني

    خدمة الواي ماكس لم تبداء حتى هذا اليوم والمعدات لم تصل الى الوكلاء في مدينة سبها والاسعار 400 دينار تدفع مقدما +120 دينار للمعدات لحاسوب واحد او 220 دينار لعدد اربع حواسيب ويتم تحميل 10 غيغا شهريا ومازاد عن ذلك يتم دفع عشرة دينار عن اي زيادة او الانتظار حتى بداية الشهر الجديد ليتم منحك 10غيغا والتي دفعت تمنها مسبقا (400) دينار اول مرة وبعد السنة الاولى يتم دفع 40 دينار شهريا …. ام من يحكي عن الاتصالات وتطورها في ليبيا فقد كانت شركة عامة ولكنها بزنس الان وعلى كل حال فنحن ندفع ثمن هذه الخدمات كاش ولا احد له جميل علينا

  3. علي الطويل

    الكل يتذمر من الوضع.. ماسألناش نفسنا علاش؟

    المصداقية لما تنعدم معاش فيه حد يصدق وحتى لما تجي الحاجة تجي هكي بعد حرق دم وبسالة ودراه كبد.. يعني لين الواحد يفد.

    علاش ماتكونش في خطة واضحة؟ علاش لما تقول شركة LTT (مثلاً) يوم 1/12/2008 يكون بداية الإفتتاح مايكونش فعلاً هو يوم الإفتتاح؟ علاش كل مرة واحد يسأل يقولوله (مازال) هكي بدون تحديد؟؟ سعني لحد توا سمعنا بداية 12 وبعدين ولت نص 12 وبعدين بعد العيد وتوا بعد العيد بأسبوع؟؟

    قصدي قولو يوم 1/1/2009 تكون جاهزة يكون أكثر إحتراف من مجرد تكهنات كل مرة!

    والله عارفين الجهود المبذولة وعارفين إن مش كل حاجة تجي هكي ولازم في تجارب، وأني مع التجارب، وربي يوفق الجميع، وطلب واحد بس “إحترام الجمهور” وخلي فيه كلمة وحدة بس من ممثل الشركة وإنتهى بعد كلامه خلاص، مش كل مرة يطلع واحد ويقول كلام.

  5. wherelibya

    واحد يقول ليش التدمر انا الان عمري 30 ادرس على حسابي الخاص في اوربا ليس لئني من عائلة غنية بالعكس اشتغل وادرس في بلد الغربية أعمل في مطعم محاولا اكمال دراستي 30 عام اسمع وعود 30 عام اراى العالم يتقدم مشروع وراء مشروع وانا اسمع في بلدي وعود بعد وعود الاتصالات مجال دراستي بعد اقل من عام انهي دراسيتي هل تتوقعون العودة إلى الوعود احن الى وطني ولكن مادا قدمت لي مادا قدمت لكل شاب يطمح ان تكون ليبيا اجمل البلدان لبيبا فيها كل شي فيها المال فيها الانسان لمادا اراء بلدي ترجع إلى الوراء
    مند 30 عام اسمع عن مخطط السبعينات وحتى الان لم يتم اسمع عن طريق الدائري اسمع عن مطار طرابلس المرحلة الثانية اسمع عن سوق الثلاثاء
    انحصر حلم الشاب اليبي في ثلاث اشياء سيارة – بيت – وزوجة اما عن بناء البلد فلا احد يتكلم كل واحد يتكلم عن مصالحة الشخصية .
    الكلام هدا كلكم عرفينا ورجال الدولة لما بحكوني اصحاب من الامارت كيف كانت بس من ثلاثين عام وكيف صارت وليبيا لها مقومات تكون افضل من الامارات كا تقافة شعبها الموقع الجوا الموارد الطبيعية .
    الاحباط اصبح جزء من ثقافتنا كل شئ اصبح كدبة حتى لو كان صدق اي مسؤول خانب حتى لو كان شريف ليش ما نسال نفسنا شنو صار لكن لو الكلام هدا انقول في العلن نصبح رجعي نصبح خائن مش شاب يحب وطنا .
    اصبحنا نصفق لكدب ونجري وراء السراب كل يوم قانون كل يوم قرار كل يوم تعديل مفيش حاجة تابتة
    في الاخر شئ محزن ….. واحد لو تكلم لساعات مش راح يكمل المأساة

  6. الطريق المسدود

    so when you feel like hope is gone
    أنا شخص احب القانون وذلك لعدم وجودة في بنغازي مع العلم بان درستي غير
    والله مأساة كبيرة في عدم وجود القانون ومن يطبقه
    2‏_بالنسبة لخدمة ليبيا ماكس
    لو كان المشروع قيمة 70مليون والعداد الاول للاشترك 300.000 يعني في 520 بس تطلع النتيجة 156مليون يعني مشروع يغطي التكلفة مع الربح لمدة سنة وين وين ياناس هالمشروع والله مافيش رجل اعمال في العالم يحلم بهكي مشروع التكلفة مع الربح في نفس الوقت لكن الله غالب الجهل والجوع مشكله كبيرة
    ليبيا اكبر من أي مشروع مهم كان والمواطن اليبي اعظم من أي استغلال
    مع هض كله أنا اتامل خير بوجود الدكتور محمد معمر وأنشاءالله خير

  7. عاشق ليبيا

    انا انتضر هذه الخدمة منذ مدة وسمعت ان سرعة الخدمة 2 ميجا في الثانية يعني مث الدي اس ال لما نزل ولكن اتضح ان السرعة الفعلية له هي 256 كيلو بايت في الثانية ياترى هل الواي ماكس زيها ولا شنو و ارجو ان اكون مخطء لان الواي ماكس خط من الالياف الضوئية عالية السرعة وارجو من الشركة زيلدة الحصة الشهرية لانها قليلة 10جيجا في الشهر على الاقل المشترك قدم اشتراكه لمدة سنة يعني 120جيجا نكون متواصلة مش لما نكمل العشرة جيجا في 10ايام نستنا لنهاية الشهر زي الي يستنا في المعاش ويجي شويا ونشكر اخواننا على جهودهم لتطوير الشركة وخطوط الاتصالات وشكر خاص للمهندس محمد وفي النهاية انا اتدي رئي الشخصي وشكراا

  8. ليبى

    زى الريفى
    قاللك شهرين مجانا ؟؟؟؟؟؟؟؟؟؟؟؟؟؟
    واللهى من سادس يوم قسو علينا ومنين امشيت نبى
    نستفسر قالى المدير انتا باهى اللى حصلت خط
    الخط وشينك خط ؟؟؟؟…حط الموقع ونساه دير
    دورتك برا لسوق وتعالى تلقا الموئشر كيف ه ه واصل
    النص ولا متلكمس تلقاه
    ياودى الريفى كبوط
    فى عز الصيف البسناه
    ونشالله اقولك لمزبوط
    ونعوظ هلى خسرناه

  11. صلاح

    بارك الله فيكم على المجهود المبذول وبالتوفيق ان شاء الله

    الملاحظات

    السعر ليس فى متناول الجميع

    المناطق اطراف بنغازى لا يوجد فيها خدمة ؟؟؟؟؟

    دايما منسية ولا احسب ان منطقة الهوارى وحى السلام من اطراف بنغازى!!!!!!!

    علما بان الكثيرين من ابناء الوطن يسكنونون هذه المناطق ومحرومين من كل شى حتى الخدمات
    العامة لا ماء ولا كهرباء ولا اتصالات

    وهذا لوم وعتب وليس تانيب

  13. المحرم

    الحمد لله الى سخر لنا هدا الانجاز العظيم
    الى نسمع عنه ولم نراة لله الحمد نشكرك
    الى خلق لنا الان لسمع بيها ولله الحمد
    الى يمهل ولا يهمل ياويلكم من ربنا على من تكدبو
    على الله ولا على خلقه ليش هل الاكديب والاقويل الزائدة
    لله الحمد وصل الواى ماكس والان انا عندى بالبيت بس من
    غير باسورد ولا العقد بس جهاز تشتريه 520 دينار ليبى لا غير
    عدا ونقدا وتتوسدا تحت راسك لين ايفرج ربي على خلقه
    العام هدا اسمعنا بيه ونصف العام شفناه واخر العام كن حنى ربي انشغلوة
    الحمد لله على ما اعطى من اناس كركمه الله لخدمه هدا الشعب

  16. المشاي

    السلام عليكم, فيه مقوله مئثوره تقول,غير من البشباش عطونا البحري, لذلك لوشركت ليبيا للأتصالات حسنت خدمة الانتنرنت في dslولبيانا والمدار, يخفض الضغط ,لأن كل شركه ولها جمهورها, وانامستغرب ليش ليبيا تتعاقد مع الشركات الصينيه الشركه الصينيه مثل النقال الصيني,N96الاصلي750دينار أما الصيني 120 دينار, وهذا هوالفرق لوليبيا أرادت التقدم تبتعد عن الشركات الصينيه, لأنهامثل الفيروسات, وشكرآ

  17. صالح المسماري

    الواضح ان خدمة الواي ماكس بالرغم من عدم تجريبي لها ؛ ستكون افضل من الدي اس ال ليس من ناحية السرعة و لكن لان البنية التحتية للهواتف قد اصابها التلف بسبب الرطوبة العالية

  21. rrrnasser

    الخدمة صفر السرعة صفر بنرجعو للريفى وعوض علينيا الله فى القرشات بيه حصلنا شهرين من كان يتوقع ييييييييييييييييييييييييييييييييييييييييعععععععععععععععععععععععععوووووووووووووووض الله

  26. نادم على شريته

    السلام عليكم انا اشتريت الواى ماكس لكن اشتغل ايام معدوده والله العظيم , المشكلة الكبيرة انا اسكن فى داخل طرابلس وبجانبى زوز انتينات وحدة منهم اقل من 500 متر , ولو نبى نستعمل الواى ماكس نعكس فى الشارع قدام البيت. توا الحمد لله لوحتها باش متنحرقش اعصابى وشادها على الدى سى ال .

  28. الورفلي

    السلام عليكم
    والله مشكلت الواي ماكس اولا غالي سعره بالنسبه للموضفين
    تانيا الخط ضعيف او صعب في تحميل البرامج
    او نتمني من العاملين بالشركه طرح فكرت تقويت الخط قبل السعر لان السعر في النهايه قابل للنقاش
    شكرا للجميع او بالخصوصالدكتور /محمد القدافي

التعليقات مغلقة